Roberto A. Geerman no ta un desconoci na radio. Ta un personahe cu pa e ultimo decadanan a sa di entretene oryentenan na radio durante varios forma di programacion y na varios radio emisora. E aña aki e ta habri aña cu comunidad di Aruba pa di 39 aña consecutivo, e aña aki via Radio Galactica 99.9 FM.
E programacion special ta start diadomingo awo 31 di december for di 7:00am y lo sigui te despues di habri aña nobo pa 12:00am. Den e ultimo ora, esta di 11:00pm pa 12:00am pa habri aña nobo, Magic FM lo bay den cadena cu G-FM 99.9 pa hunto drenta e aña nobo.
Radio Galactica 99.9 FM a cuminsa transmiti desde Juni 1991, pues 26 aña pasa. E ta situa awendia den Judra Building, na Macapruimstraat # 1-I na Dakota. E number di telefon pa yama y manda saludos ta +297-5882534.
