Diamars Mainta a habri cu un fayo den suministro di coriente cu a causa cu varios area, manera Dakota, Sabana Blanco, Aeropuerto, Oranjestad un parti, Noord un parti y Palm Beach a keda sin coriente. Albertico Koolman di N.V. Elmar a confirma cu nan a experiencia un fayo inespera net na momento cu nan tabata haciendo algo prueba hunto cu tecniconan di Hulanda.

 

E tecnico di N.V. Elmar a splica cu ta hayando ayudo tecnico di Hulanda pa actualisa e sistema di proteccion di tur e “substation” nan di nos compania nacional di distribucion di coriente. Awe mainta precisamente nan tabata haciendo algun test pa por manda e sistema nobo “live”. Pero precisamente den e testmento aki a presenta un fayo den un di e kabelnan entre WEB y Elmar. E fayo a causa cu dos “trafohuis” a cay for di circulacion y como tal e areanan unda ta distribui coriente a conoce un interupcion mesora.

Albertico Koolman, tecnico na N.V. Elmar

Tecniconan di N.V. Elmar mesora a comunica cu nan coleganan na WEB Aruba N.V. pa mira unda e problema tabata, pa resolve y pa reestablece coriente mas lihe posibel. Albertico Koolman a enfatisa cu “Elmar ta preveniendo hopi di e problemanan aki caba dor di pasa gran parti di e coriente via nos kabelnan nobo di glasvezel, cu ta hopi mas lihe. Esaki ta net un di e trafonan cu no a cambia pa glasvezel ainda, pesey nos tabata bezig awe mainta pero some how algo a bay robes cu a ocasiona e interupcion”.

Normalmente ora haci e testnan aki, clientenan mes no ta sinti nada, asina Albertico Koolman a splica. Regularmente ta kita e “load” y pase via otro kabelnan, pero ya ta purba preveni tur cos, pero esaki no a bay manera a premira y consecuentemente coriente a bay. Despues di algo mas cu un ora y mey a reestablece coriente bek.

N.V. Elmar a topa cu fayo durante hacimento di prueba. Varios area a keda sin suministro di coriente. A reestablece coriente despues di mas o menos un ora y mey.

Posted by 24ora on Tuesday, September 4, 2018

Comments

comments