My Fitness cu Donacion na Stichting Bevolkings onderzoek Borstkanker Aruba

749

Un biaha mas My Fitness ta hasi un donacion na Stichting BOB di 1000 florin riba dia 4 di Februari 2020 cu ta “World Cancer DAY. My Fitness ta un compania di un family-gym cu 3 location: St.Cruz, Noord y Oranjestad.

Un di e metanan mas grandi cu nos tin ta pa stimula e poblacion di Aruba pa biba un bida saludabel y activo. Hende muher ta e pilar di e famia y un bon Salud pa nos hende muhernan ta nifica un famia mas fuerte. My Fitness ta comprometi pa apoya y yuda nos hende muhernan y muchanan na Aruba.

MyFitness ta hasi un biaha mas un donacion na Stichting BOB. Stichting BOB Aruba a wordo funda na oktober 2012 pa yuda e hende muhernan concientisa nan mes ariba cancer na pecho. Pa aña ta yama 12 mil hende muher pa bin haci nan mammogram gratis cada dos aña y detecta cancer di pechona tempo. Tambe Stichting BOB Aruba ta apoya pa tur hende biba un bida saludabel, huntu cu un bon alimentacion, move regular y haci bo chequeo propio.