Un trahador cu tin seis aña trahando na My Computer na Dakota a perde su trabou. Esey a sosode diahuebs. Tin como 14 trahador na e compania.
Mirando cu tin algun cos cu e trahadornan ta sinti cu no ta corecto, nan a dicidi cu kizas nan por reuni y asina busca representacion sindical. A acerca FTA. Siman pasa caba a cuminsa busca contacto pendiente un encuentro informativo pa mira si ta bale la pena afilia. A keda di prepara un reunion entre e coleganan y sindicato. A haya reunion pa diasabra awo.
E trahado a dicidi di avisa e coleganan den chatgroup cu diasabra awor nan lo reuni cu sindicato. Mainta diahuebs el a manda e informacion pa e coleganan. Un di nan a core manda e informacion pa gerencia. Pa merdia nan a yama e trahado aden y bise cu e ta kita opstaande voet. A mande cas mesora. Ora a dune e noticia a bise tambe cu ta pasobra e ta forsando of haciendo intentonan pa trece sindicato den e negoshi.
Ora cu a notifike, a bise mesora piki tur su cosnan y bandona e edificio. A cana su tras tur caminda comosifuera ta un ladron e ta. Un actitud asina di My Computer ta prueba cu berdad nan tin cos di sconde. E trahado awor mester busca abogado pa bringa e retiro inhusto. Nan no ta afilia ainda. Mas bien a acerca pa un reunion y mira e posibilidadnan pa afilia y dimes e ta mara na un referendum. Asina tin mas compania cu cu no kier duna derecho na e trahadornan si nan ta incomodo. Loke e trahado di My Computer a haci no ta motibo pa retiro.
