Museo di Futbol di Sao Paulo cu exposicion di Pelé su recorido den añanan 80

66

Den e Museo di Futbol di Sao Paulo a habri su portanan un exposicion di Edson Pelé Arantes do Nascimento, kende a nace dia 23 di october 1940. Den e museo aki por mira historia di Pelé desde cu el a cuminsa hunga futbol te dia el a retira na 1977.

Esaki ta un muestra pa e generacion nobo, unda cu ta mustra e trayecto di Pelé. Den esaki ta inclui 444 potret anima, videonan di su miho hugadanan y testimonio di diferente persona, kendenan ta splica e generacionnan nobo pakico Pelé ta Rey di Futbol. Segun Marilia Bonas, director tecnico di Museo di Futbol, cu welonan di e generacion a mira Pele hunga, su generacion a mira Pelé manera un figura mediatico. 

Pelé a priminti su tata di trece un trofeo di mundial despues di a tend’e yora di tristesa p’e final di 1950 entre Brasil y Uruguay. Leyenda di Pelé ta cuminsa cu su 15 aña, esta e era di 1956. Dos aña despues el a lanta su prome trofeo mundial na Suecia, e prome trofeo pa Brasil y sin lubida e promesa haci na su tata. El a sigui cu su team Santos den decada 60 y 70. El a lidera un generacion di oro cu hungadonan renombra manera Dorval, Melgávio, Coutinho y Pepe, entre otro.

Na 1974 el a laga Santos y tabata tricampeon mundial. El a termina su trayecto cu Cosmo di New York, di Merca. No tin un cifra contundente di cuanto gol e ex delantero a anota durante henter su carera. Segun e ex delantero el a anota 1283 gol, pero ta calcula sea 1281 of 1282.