Mundo ta observa awe Dia Mundial di conscientisacion di Autismo

Dia 2 di April ta Dia Mundial di conscientisacion di Autismo, unda cu mundo ta forma parti di e pidanan di puzzel blauw, cora, geel y biña cu ta refleha e complexidad y unico di e spectrum di autismo. No tin miho manera pa celebra e dia aki door di bira consciente di e caracteristicanan di hendenan cu e condicion y con tur hende por haci miho pa aumenta nan mesun comprension y promove amabilidad.

Historia di Dia Mundial di Conscientisacion di Autismo
Autism Spectrum Disorder ta un trastorno di desaroyo caracterisa pa comportacion y afeccion comunicativo cu ta impacta habilidad di un persona pa tin interaccion social y tambe ta causa conductanan repetitivo y restringui. E prome aparencia historico di e palabra “Autismo” a bin na 1911 p’e psikiatra Eugene Bleuler, kende a uza e forma di describi un cluster specifico di sintomanan cu ta considera sintoma simpel di schizophrenia manera retira extremamente social.

Na 1943, ora cu psikiatra pedriatico Dr. Leo Kanner a caracterisa Autismo manera un trastorno social y emocional den su articulo “Autistic Disturbances of Affective Contact” y na 1944 Hans Asperger a publica den su “Autism Psychopathology Article” unda el a discubri autismo di ta un trastorno di inteligencia normal den muchanan cu tin dificultad den habilidad social y comunicacion. E articulonan aki tabata un contribucion importante pa estudionan cu ta yuda clasifica Autismo como un trastorno separa di schizophrenia na 1980.

Cu e continuo investigacion riba autismo, e Asamblea General di Nacionnan Uni a pone e fecha di 2 di April di tur aña como Dia Mundial di Conscientisacion di Autismo riba “Resolution 62/139” y a adopta dia 18 di December 2007, pa encurasha estadonan miembro pa tuma accion den crea conscientisacion di hendenan cu trastorno di spectrum di autismo y sostene investigacion pa haya maneranan nobo pa mehora e bienestar.

Finalmente, a desaroya e nocion di autismo como un spectrum na 2013 door di “American Psychiatric Association” den e di 5 edicion di “Diagnostic and Statistical Manual of Mental Disorders” door di combina tur sub categoria di autismo y condicionnan relaciona cu un categoria, inclui varios caracteristiconan, severidad y presentacion di sintoma.

Con pa observa Dia Mundial di conscientisacion di Autismo

  1. Comparti informacion online: Awendia ora cu tur hende tin acceso na informacion, ainda tin hende cu no sa nada di autismo y e caracteristicanan cu nan tin.
  2. Envolve cu asociacionnan di autismo: Tin hopi persona cu tin sea autismo of un miembro di famia cu autismo y ta parti di un comunidad grandi, nacion grandi, of asociasion global. Tuma contact cu nan pa ta envolvi den actividadnan plania.
  3. Cuida hendenan cu diagnostico di spectrum autismo: E dia mundial di conscientisacion di autismo ta bon tempo pa amigonan cu ta diagnositica cu autismo!