Un persona cu lastimamente lo a haya un episidio di instabilidad mental, a causa consternacion y preocupacion riba beach. Un famia tabata haci BBQ y e muhe a yega bolter e pit. Djey a pasa man pa boter di cerbes cu nan tabata bebe y cuminsa bebe esaki. A sigui bay tira obheto dal windshield di e autonan SUV caro para eynan. Polis a haya yamada di e situacion.
E hende muhe a subi auto di un amiga, cual tabata un Celta color blanco A-21189 cu a bay direccion Palm Beach.
Banda di Marriott polis a topa e auto y duna e chauffeur ordo pa stop. A constata cu tin dos ser femenino den e auto. Un di nan descripcion ta cuadra y e auto tambe. E muhe tabata sunu ainda den e auto. Polis a bay over na detencion di e hende muhe sin paña.
Un hende a dune serbete pa e tapa mientras transporte policial tabata na caminda. Segun e amiga e tabata keiro cu e muhe varios caminda. E conoce y e sa cu su yiu a fayece recien na Colombia.
E ta un hende cu no sa bebe etc. Desde cu el a bay dera su yiu na Colombia y bolbe Aruba, mentalmente a constata cu e ta mustra afecta. Su comportacion ultimamente ta exigi atencion medico. Polis a hib’e warda pendiente su comportacion pa wak ki paso lo tuma.
