Un muhe cu ta ricibi bijstand mester debolbe mas di 7 mil euro na e municipio di Wijdemeren (west di Hilversum), pasobra su mama de bes en cuando ta bay haci compras p’e.
E webpage leidinfo.nl a informa. Corte di Utrecht a mustra cu e gemeente tabata tin rason den e caso aki.
E muhe anonimo a ricibi bijstand desde final di 2015, pero tambe mester a confronta e costonan halto di debenan fiho. Pa yud’e, su mama tabata bay di compras un pa dos biaha pa siman, segun un comunicado di e dama.
Mester brinda informacion
E gemeente a descubri durante di un investigacion como respuesta na un señal di e Bureau di Inteligencia, e decision di corte na october di 2019, ta mustra cu e decision a keda publica na principio di e luna aki.
E Oficina di Inteligencia di Ministerio di Asuntonan Social y Labor ta investiga pa e gemeentenan entre otro cos, si e personanan cu ta ricibi bijstand tin derecho riba nan.
E gemeente ta kere cu e muhe a viola e asina yama obligacion di brinda informacion. Miho bisa, e mester a informa cu e ta haya e cos di su mama. Wijdemeren a calcula a base di e denominado norma Nibud, pa alimentacion diario, e mester debolbe 7.039,65 euro den casi tres aña.
E muhe a apela sin exito na gemeente y despues a acudi na corte. Corte a desestima e apelacion. Segun corte, e respondinan a brinda na e dama un beneficio monetario cu por a desconta di su beneficionan si el a cumpli cu su deber di brinda informacion.
