Un di e prome detencionnan cu a tuma luga diabierna den oranan di anochi tabata di un señora y esaki a sosode den bisindario di e pomp station na Tanki Leendert.
A pidi presencia di Polis pa motibo cu e muhe tabata haci fastioso. Na yegada di patruya a topa cu un señora cu ta mustra basta bou influencia. Parce e tabata den auto cu otro hende, pero como cu e tabata haci fastioso a dicidi di bah’e eynan.
Polisnan a dicidi di yama transportwagen pa transporte pa warda pa haya un cuarto gratis, ya cu e tabata haci fastioso. Ademas, den e estado cu e tabata no por lague asina riba caya. E tabata bebi pero tambe tabata mustra di ta bou influencia di un of otro substancia mas.
Mientras cu tabata wardando riba Transportwagen, e señora a expresa den tono menos bunita cu e no ta contento cu nan a detene. Y tabata grita e Polisnan “f…..”. Finalmente a hib’e warda pa e pasa anochi di un forma sigur p’e mes y pa otronan.
