Muhe a kibra tur cos den cas y a laga homber mal herida

Diabierna mainta polisnan a bay cu urgencia na un adres na Noord Cura Cabay pa un caso di maltrato serio. E biaha aki ta un hende muhe cu tabata di remate y a hasta maltrata su ex basta serio.

Na momento cu polis a yega na e sitio, a constata cu e problema tabata uno basta serio. Tur cos den cas tabata reboltia of kibra. E dosnan envolvi tabata pareha.

Durante e pleitamento y bringamento entre dos, e homber a haya corta na curpa y uno profundo na su dede. E gritonan a spanta tur bisiña.

E polisnan a pidi ambulance cu emergencia y a pidi funcionarionan tecnico pa capta tur e daño cometi.