Diasabra atardi alrededor di 6:00 pm a sosode un accidente na altura di rotonde Palm Beach. Aki ta caminda cu un Hummer H2 numera A-73181 a dal tras di un Hyundai H-1 van color blanco numera A-20384.
Den e van tabatin un mucha di apenas dies aña cu a resulta herida. Debi na e impacto parti patras di e van, a conduci cu e mucha a ricibi basta golpi. Pa evita lo peor, ambulance a presenta p’asina brind’e atencion medico mientras cu polis di trafico a documenta e accidente aki.
