Ayera tabata dia di mucha y p’esey Ban fiesta cu Tan Tio a organisa e evento di “Feed the kids day” pa tur mucha di Aruba. Desde trempan tabatin autonan caba y por a mira e alegria di muchanan ora yega cerca nan.
George “Tio George” Winterdaal, doño di Tan Tio, a splica cu e muchanan ta haya un pakete cu hotdog, chubby, buscuchi, mangel, voucher di chuculati y tur esaki cortesia di Tumimi Balloons y Mucho Gusto Party Supply. A regala blaas na e muchanan.
Ta parti mil pakete y a haci esey cu ayudo di sponsornan. Door di tabata dia di mucha diabierna, awe diasabra ta celebra e dia cu GLW Foundation, G on Air y Tan Tio. Nan ta eynan te 2:00PM of te ora cu e pannan caba. Tio George ta invita pa yega cu e muchanan na Centro di Bario Tanki Leendert pa haya un pakete gratis.
