Muchanan di Liga Pony a biaha pa Republica Dominicana yena di entusiasmo

Muchanan di Liga Pony a bay Republica Dominicana. Coach Oslin, cu ta maneha e team 9-10 di e mesun liga aki, a splica cu ta trata aki di Campeonato del Caribe. Awor aki tin diferente tumando luga. Na Puerto Rico mes, Aruba tin un team haciendo un tremendo trabao.

E grupo cu a biaha diamars mainta a bay hopi bon prepara y a hiba algun tremendo pitcher. Ta spera bon resultado di e team di Aruba na Republica Dominicana.

 

Muchanan di Liga Pony a biaha pa Republica Dominicana yena di entusiasmo

Muchanan di Liga Pony a biaha pa Republica Dominicana yena di entusiasmo. Click link pa mas https://24ora.tv/2ZG29nQ

Posted by 24ora on Tuesday, June 25, 2019

Preparacion

E preparacion a bay un tiki bruha, door cu Little League tambe ta andando. Tabata tin tambe e seleccionnan di Center League, South y North League, caminda cu tabata tin varios mucha cu mester a hunga. Mester a warda pa nan caba pa nan por a bin y train completo cu e team. Por bisa cu e ultimo tres simannan a cera en realidad e team vast pa bay.

Loke ta bay cun’e ta 13 mucha en total. Nan ta bon prepara pa hunga. A pasa riba e señanan, e tacticanan kico ta bay haci y nan ta cla p’e.

E muchanan ta hopi entusiasma pa e proximo weganan y ta djis spera pa e momento di wega yega.

Con pa wak e wega

Te asina leu nan no sa di e situacion cu nan lo ta aden, pero manera cu nan yega Republica Dominicana lo laga sa con y ki ora nan lo pasa e weganan, si nan ta pasa nan y si acaso cu nan mes tin cu film’e, lo mand’e live e ora.

Algun mayor ta bay

Suzy Pereira tambe ta bayendo cu e grupo pa Republica Dominicana. El a splica cu e ta un wela cu ta bay cu su nieto. “P’ami esaki ta algo grandi. Ta prome biaha cu e ta bay biaha cu un seleccion. E muchanan ta hopi entusiasma. Pa nan tambe ta algo nobo, algo grandi,” e wela a comenta.

Trainingnan

Pereira a splica cu e trainingnan cu el a bay wak, el a mira cu toch nan ta bayendo un poco bon. Nan ta train basta bon, e muchanan tin bon bateo, nan ta filia bon tambe.

E otro mayornan tambe ta entusiasma. Tin algun di nan ta prome biaha cu nan ta bay. Aunke cu e grupo ta tiki chikito, pero toch ta bay todo por todo. Arubianonan ta conoci pa ta haci hopi bochincha durante weganan deportivo.

Pereira ta spera cu e muchanan bay cu exito y saca cara di Aruba y haci un bon papel. Apesar cu e grupo ta chikito, nan ta bay haya un bon apoyo y un bon experiencia. Nan ta bay topa cu gruponan mas experiencia, segun Pereira. E muchanan ta bay bon.

Un palabra di hopi exito ta bay na nos atletanan na Republica Dominicana.

Comments

comments