Muchanan di klas 5 di Pius X tabata bon prepara pa verkeersexamen

Basta scol na Aruba a pasa verkeersexamen. Juffrouw Mariela Kelly-Maduro, cabesante suplente, a splica cu e muchanan ta bon prepara for di Augustus cu nan a cuminsa scol. Nan ta haya sa cu nan tin examen na Mei.

Naturalmente mester di train hopi cu e muchanan. Siñanan regla y borchi. Door cu nan ta scol di bario, muchanan hopi biaha ta bin na pia y cu bicicleta. Pa nan e ta hopi importante pa sa e reglanan di trafico.

 

Muchanan di klas 5 di Pius X tabata bon prepara pa verkeersexamen

Muchanan di klas 5 di Pius X tabata bon prepara pa verkeersexamen. Click link pa mas https://24ora.tv/2JnMLbo

Posted by 24ora on Thursday, May 16, 2019

Mas of menos 60 mucha di e dos 5de klasnan. Pero tambe muchanan cu aña pasa cu no a haal nan examen, e aña aki cu ta den 6de tambe tin e chens pa haci’e un biaha mas.
E “Veilig leren fietsen” ta un proyecto nobo cu cabesante di scol Sheila Tromp-Laso ta sostene. E muchanan ta hopi entusiasta cun’e. Esaki ta siñanan for di chikito e reglanan di core bicicleta riba caminda. Tin biaha hopi mucha ta core bicicleta riba caminda, pero no sa e reglanan. Juffrouw Mariella ta haya e proyecto aki sublime.

Muchanan a bay p’e

E muchanan di klas 5 di Pius X tabata hopi bon prepara pa verkeersexamen, segun juffrouw Ludsalyn Gonzalez-Croes. Nan a prepara nan for di Augustus caba. E muchanan a haya tur borchi pa siña y pa hiba cas. Nan a haya e reglamentonan tambe.
Awe tabata tin mas of menos 60 alumno cu a traha nan verkeersexamen. Juffrouw Ludsalyn ta calcula cu mas of menos 80 pa 85% di e alumnonan lo pasa e verkeersexamen.
Juffrouw Ludsalyn ta conseha e muchanan pa ta trankil, no keda pega na un pregunta, djis sigui. Bay p’e, les bon y pone bon atencion.

100% cu e ta slaag

Sergio Tromp ta un di e alumnonan cu a haci su verkeersexamen. El a splica cu juffrouw a splica nan hopi den klas. Apesar cu tin algun palabra ta bruha hende, pero ta bay p’e. E ta 100% cu e ta slaag. E alumno a splica cu e juffrouw a splica nan bon. Aunke cu e mester a leer un tiki mas. Pero e sa cu e ta bay slaag. Tin hopi mucha di su klas cu no a siña pero, esunnan cu ta bay bin den 5de, nan ta bay hay’e hopi duro y no ta bay hay’e facil. Un conseho e tin, ta pa leer hopi.

Comments

comments