Muchanan di Colegio Frere Bonifacius, manera tur aña a celebra nan fiesta di carnaval. Segun Arlene Kock, cabesante di Colegio Frere Bonifacius, nan a celebr’e parti paden di nan local, mirando cu e muchanan no por cu e solo.
Door cu nan ta un scol chikito, nan tin un auditorio, caminda cada un di e klasnan a presenta algo. A base di esey, e muchanan ta haya premio y despues nan ta jump riba ritmo di Carnaval. E tema cu a bin cun’e ta basa riba Fortnite, pero a pone enfasis riba e parti di bailamento riba ritmo di canticanan di Carnaval. Algun a balia tambe algun di e canticanan di Fortnite.
Kock a splica tambe cu nan bisiña tin un scol hopi mas grandi cu nan. Ta pa e motibo aki tambe nan a scoge pa ta paden, pa asina e scol por haya e parti pafo.
Mensahe di Kock ta simpel. Cuida curpa. E ta pidi tambe na e mayornan en particular, pa cuida e yiunan durante e temporada di carnaval.
