Muchanan a gosa y baila hopi den jump up escolar di Dakota

Den e bario di Dakota a tuma luga e di 3 jump up Escolar di Dakota. Aki diferente scol di Dakota y bisindario a participa unda cu a conta cu presencia di Massive Brassband, banda Mellow y DJ pa entretene e muchanan den e parada. E muchanan a disfruta di e atardi aki, unda nan a jump hunto cu nan mayornan y maestronan.

Muchanan a gosa y baila hopi den jump up escolar di Dakota

Muchanan a gosa y baila hopi den jump up escolar di Dakota

Posted by 24ora on Thursday, February 28, 2019

Segun Joonchi Kock, kende ta e persona encarga cu e comision di actividad di Centro di Bario Dakota, esaki tabata di 3 aña consecutivo cu nan ta organisa e parada escolar. Tambe e organisacion aki ta encarga pa organisa e jump up grandi di Dakota.

E aña aki e massa tabata grandi y esaki ta creciendo. E parada a bay bon, unda cu tabatin hopi trabou y hopi mucha a participa na esaki. Pa mas o menos 3 pa 4 aña Dakota no tabatin su jump up escolar y awo cu e comision nobo aki tin esaki un biaha mas. E comision ta gradici tur sponsor cu a yuda haci realidad e jump up escolar di Dakota. Tambe ta gradici na e boluntarionan y tur hende cu a yuda pa esaki bira un realidad.

Comments

comments