Scol a  cuminsa y Museum of industry a organisa un mainta di storia pa e muchanan di 4 pa 7 aña, pa asina enfoca riba e importancia di lesamento y laga e muchanan cera conoci cu museo di un edad jong. Tema di e actividad di contamento di cuenta tabata e prome dia di scol. 

Pa haci e contamento di storia un experiencia inolvidabel pa e muchanan, e museo a invita dos autor local, Sheila Werleman y tambe Richard Dabian. Sheila Werleman, ta un ilustrador di buki pa mucha y tambe graphic designer. Door di su experencia den enseñansa el a scribi y diseña diferente buki dirigi special riba nos muchanan. El a conta entre otro e storia di e cododo y cangreu blauw. 

E di dos autor cu museo a invita ta Richard Dabian. Un contado di storia y autor di diferente storianan di mucha.  Conoci como cantante y solista. Richard ta persona hopi creativo y bon orienta den area di obra di man. Trahando pa 26 aña na Aruba su Biblioteca Nacional. Mucha y mayornan a keda impresiona di tur dos presentacion. 

Durante pauze e muchanan a saborea un snack saludabel compaña pa un dushi awa di lamunchi. 

Na final di evento, e muchanan a haya un dushi treat y un revista di cleconchi pa hiba cas. Museum of Industry kier a gradici tur mayor, oma y opa cu a trece e chikitonan pa un mainta di cuenta na museo. E siguente evento di conta storia pa mucha ta den luna di november. 

Por sigui nos ariba facebook y keda al tanto di tur nos desaroyo. Pa esnan cu ta interesa pa pasa bishita Museum of Industry, e ta situa den e emblematico Water Toren na San Nicolas y ta forma parti di un constelacion di cinco museo cu ta cay bou Fundacion Museo Arubano. E museo ta relata e storia asombroso di e desaroyo industrial na Aruba den e ultimo dos siglonan, cu ta ensera e industrianan di oro, aloe, fosfaat, petroleo y turismo.Museum of Industry ta habri di dialuna pa diabierna di 9.00 am te cu 6.00 pm y riba diasabra di 10.00 am pa 2.00 pm.

Si bo persona ta interesa pa bin cu un grupo of organisa un evento na Museum of Industry, por tuma contacto cu e museo na 584 7090 of manda nos un e-mail na  [email protected] 

 

Comments

comments