Mucha y hobennan a demostra nan amor patrio durante Festival Un Canto na nos Himno y Bandera

558

Diabierna anochi a tuma luga dia uno di Festival un Canto na nos Himno y Bandera, pa loke ta trata categoria  4 pa 6 aña y esnan di 13 pa 17 aña. Un publico grandi a sa di duna respalto na e muchanan riba Plaza Betico Croes, unda cu nan a sa di presenta nan cancionnan dedica na nos Himno y Bandera.

Resultadonan ta como lo siguiente:

Ganado absoluto Pre-Infantil categoria 4-6 aña: Ian Tromp cu e cancion “Contento mi ta”.

2ndo luga: Jaymerson Kelly cu e cancion “Un Arubiano Chikito”.

3er lugar: Qu-Lainey Jansen cu e cancion “Ban Baila cu Ada”.

Un pabien ta bay na e otro participantenan cu tambe a haci un super bon papel cu ta: Kasey, Lysanne, Akyrah, Kitai, Jizienne y Garienne.

Pa loke ta e categoria hubenil 13-17 e resultadonan ta como lo siguiente:

Ganado absoluto: Gismary Linarez cu e cancion “Mi Bandera ta mi Halanan”.

2do lugar: Jetzenia Croes cu e cancion “Stim’e, ta di nos e ta”.

3er lugar: Jaydienne Croes cu e cancion “Den mi sanger”.

Un palabra di pabien tambe ta bay na e otro participantenan di e categoria aki cu ta Nathan, Sendy, Zhaisky, Gianimaris y Jorzinho.

Awe diasabra lo bay tin presentacion di e muchanan pa categoria 7 pa 9 aña y esnan di 10 pa 12 aña. E final lo ta riba diadomingo.

Mientras tanto pa e festival di adulto tin 17 grupo registra cu 41 cantante. E prefinalnan lo ta riba dianan 11 y 12 di maart mientras cu e final lo ta riba 14 di maart.