Mucha muhe haciendo chansa peligroso cu ciclistanan

Kisas e ta un tendencia riba red social, pero esunnan cu ta practica e chansa aki no ta tene cuenta di e posibel consecuencia pa e victimanan. Ta un wega di pasa klap ciclistanan memey caminda. Y pa colmo, e mucha muhe aki, cu placer ta publica su “wega” riba Facebook, sea pa su amigonan por hari of pa encurasha otronan pa haci mesun cos y pa e wega por bira un “trend”.

Juliana Padilla, biba na Macuarima, a studia na EPB y ta traha na hotel awendia. Riba su pagina di Facebook e ta promoviendo e chans aki cu e ta haciendo riba caya. E ta sinta den auto patras y ta laga e chauffeur baha velocidad ora pasa banda di ciclistanan, ta pasa mas cerca posibel, pa e por saca man y klap e ciclista sea ta na su chanchan, su lomba of na su brasa.

Mucha muhe haciendo chansa peligroso cu ciclistanan

Mucha muhe haciendo chansa peligroso cu ciclistanan. Click link pa mas https://24ora.news/3bZClZz

Posted by 24ora on Saturday, May 23, 2020

Aunke e por mustra masha “pret”, den caso cu no controla e velocidad bon, e man por baha “pisa” riba e ciclista, sak’e for di control di su vehiculo, lag’e cay bay malogra su curpa. E ta un forma di trece e ciclista den peliger inecesario!

Riba red social a nota cu hopi hende a condena e chansa aki y ta hay’e di masha mal gusto. Kisas na otro pais e por ta un tendencia riba red social pero aki na Aruba e ta spanta hende di core bais riba caya, unda net awo ciclismo ta creciendo, sea como deporte, pa movecion of pa recreacion.