Diamars merdia riba caminda di Caya Frere Laurentius un mucha a laga los di mama su man. Nan lo tabata bahando di auto, E mucha a sali na careda crusa caminda sin paga tino. E otro ruman su tras a sigui. E chauffeur di e Mitsubishi Montero cu number A98 riba caminda a wak e muchanan y hala e auto banda robes. Asina mes a alcansa un di e muchanan cu e skina drechi dilanti di e SUV. E mucha a haya sla na pia y cabes. Bisiñanan a sali pa yuda e victima y e mama cu tabata grita pa ayudo. E otro mucha a haya un pusha y tabata hopi spanta. Ambulans a bay cu ambos mucha pa Hospital. E chauffeur a lamenta e sucedido pero no por a haci nada pa evita e accidente manera e muchanan a core subi caminda. Polis di trafico a cera caminda pa investigacion.
