Mucha gedal pa auto na de Vuist

Diamars anochi a sosode un accidente basta serio na San Nicolas. Polis a wordo manda cu urgencia na De Vuist. Auto a dal un mucha y lo ta grave. Na yegada a topa cu un situacion fastioso. Basta hende altera y bou grito. Parce cu e mama a bay grita e mucha pa e bin cas y a core crusa caya sin paga tino. E auto a dal e mucha basta fuerte. Polisnan a pidi pa ambulance cu urgencia. Na yegada a atende cu e criatura di tres anja. Djey a sali cune pa hospital y e caminda den Playa a wordo haci liber pa asina e ambulance por a pasa bay abou direccion hospital sin ningun estorbo.