Mucha di 3 aña traumatiza pa homber “perdi” cu a drenta su cas

Diabierna den oranan di merdia a tuma luga un hecho den Johan de Wittstraat, cu a causa hopi preocupacion pero tambe susto cerca esnan envolvi.

Polis su presencia ta wordo pidi cu urgencia pa un homber “loco” cu a drenta e cas y cu nan no por domina. El a ataca un mucha di tres aña, cu e personanan a lucha cun’e pa lague los.Polis a yega hopi lihe na e sitio y a topa cu un homber di habla Spaño, kende no ta parce di ta bon na su tino.

 

E tabata completamente soda cu ta mustra cu e tabata hopi agita. E tabata grita “Agente no lo permita, no lo permita”, pero tambe “Madre te quiero, no lo permita no lo permita”. E straño ta cu e personanan di e cas no conoce e persona aki pero tampoco e bisiñanan. E no ta un persona cu nan a yega di mira den bisindario tampoco.

El a simplemente yega y core drenta e cas y a ataca e menor.Polis a logra domin’e, pone den transportwagen y hibe Warda pa mira kico lo bay haci cun’e. Ambulance a wordo pidi na e sitio tambe pasobra e mucha chikito a keda cu hopi susto pa loke el a caba di pasa aden. Nan mester a papia largo rato cun’e.