Debi cu a alerta pa biento fuerte desde ayera, Aruba Ports Authority a anuncia awe mainta trempan cu e crucero MS Navigator of the Seas no lo drenta nos waf. E crucero a opta pa sigui pa e siguiente isla riba su iterinario. Sa pasa cu pa motibo di naturalesa y for di nan alcanse, ta salta un waf.
E crucero Navigator of the Seas ta pertenece na e compania Royal Caribbean International y ta registra na Nassau, Bahamas. A keda cla cune y a subi lama na November 2002. E ta midi 311.1 meter di largura y tin 15 piso. Su capacidad ta di un maximo di 3807 pasahero, mientras su tripulacion ta di no menos cu 1213 empleado. E ta di 12 crucero mas grandi na mundo.
