Diasabra mainta pa mas of menos 11:40, brandweer y polis a baya cu urgencia p’ariba di Spiraal Rotonde, unda un auto tabata na candela. Eynan nan a topa cu un V-car Jeep Wrangler color preto cu su motor na candela. Aparentemente durante careda e auto a cuminsa saca huma y mesora e chauffeur a baha caminda. El a ripara cu ta for di e motor esaki a origina.
E chauffeur mes lo a trata na haci algo, pero ya e momento eynan bomberonan a yega. Despues di un rato, nan a logra domina e candela, cu ta mustra cu el a cuminsa debi na un kortsluiting den e motor. E motor a sufri mayoria daño, probablemente lo mester busca motor nobo..
