Motociclistanan di Team Real ta recauda fondo diadomingo awo na Carnival Village

Team Real ta prepara pa bay Corsou. P’esey a organisa un evento pa recauda fondo diadomingo awo pa e motociclistanan por compaña Mikeson Croes, Georgemare Kelkboon, Shakyll Laurens, Luigi Marrugg, Tevon (un dama cu ta bay pa pone drama) y Monkey Drift cu ta bay cu su auto pa representa Aruba. 

Evento Bario vs Bario cu lo tuma luga dia 7 te cu dia 10 di augustus proximo, lo ta esun cu a lanta entusiasmo di coredonan di brommer pa asina bay participa na e evento aki. Den entrevista cu Andrew Croes cu tambe ta un coredo di brommer cu ta indica e necesidad riba actividadnan cu actualmente no ta tumando luga riba nos mes un isla. E deporte aki ta algo cu nan ta boga pa mira crecemento pero lastimamente na Aruba ta keda tene abou y ta pa e motibo aki ta hayanan ta bay practica e deporta aki na isla ruman Corsou.

Pa yega na forndo a forma un grupo encraga pa un fundraising pa asina por yega na fondo pero tambe pa esnan cu lo kier participa / of join e grupo y compaña e participantenan cu lo biaha pa Corsou y asina pasa un par di dia yena di emocion, adrenalina y sosteniendo nos pais den gran forma. E grupo ta consisti te cu awo di mas o menos 25 motociclista cu lo ta bayendo y entre nan 7 cu lo ta participando den e evento di Bario vs Bario.

Grupo di coredo di brommer preparando pa competi den event bario vs bario na Corsou

Grupo di coredo di brommer preparando pa competi den event bario vs bario na Corsou. Click link pa mas https://24ora.news/33aIVvD

Posted by 24ora on Friday, July 31, 2020

Segun dia ta acercando ta purba di yega na fondo pa asina mas di e motociclistanan aki tambe por participa na e evento.

Hunto cu e benta di cuminda lo tin un rifa ( Afl. 15,= ) cu lo tin como premio e pasashi pa bay Corsou, entrada na eventonan y como segundo premio un Tour den UTV pa dos persona pa enjoy nos mes un Isla tambe.

Pa locual ta trata e benta di cuminda, esaki lo tuma luga diadomingo awo for di 11:00 AM te cu 6:00PM na Carnival Village na e booth di Island taste y saborea un dushi lasagna pa afl.15,=, tambe lo tin soppi di carni pa Afl.10,= como tambe un dushi ambiente cu e motociclistanan cu lo tey presenta pasina tur hende por pasa tira un bista riba cada brommer. Asina sostene e deporte cu tanto nan ta gusta.

Lo tin animacion di DJnan manera entre otro Mc Oz, Dj XaviD, ambiente di brommer. Team Real ta un grupo relativamente nobo cu ta ta preparando hopi actividad e aña aki. Ta busca pa lanta e deporte di drifting di brommer, cu ta esun cu nan kier mira crece aunke ta haya un poco contratiempo.

Pa haci pedido y/o aporte na e fundraising aki por tuma contacto na 564-3091 caminda lo delivery te na porta di bo cas. Un danki grandi ta bay na e sponsornan Speed Car Rental, Jaced Wheels, Island Taste como tambe D22 cu ta sostene e deporte grandemente.