Motociclista sin rijbewijs a keda na pia

Diadomingo pa 7:20pm un unidad motorisa di polis a para un grupo di hoben cu tabata riba nan scooter pariba di CITGO Essovile na San Nicolas. Durante e control, polis a constata cu un di e motociclistanan no tabatin su rijbewijs cune, pero a dun’e un chens pa laga otro motociclista cu rijbewijs bin busca su scooter.

Debi cu tabata un grupo di hoben basta grandi, a pidi refuerso di polisnan di San Nicolas pa reforsa nan coleganan den cualkier situacion. Aunke no tabata necesario pasobra tur hende a comporta masha trankil.