Algo pasa di 5or diadomingo mainta a sosode un accidente basta serio riba e caminda banda di cas di Gobernador. E Harley Davidson tabata bay direccion pabou y e Yaris di direccion contrario a lora robes pa drenta Maria Christinastraat.
E tabata bebi y a keda deteni. Despues di e impacto fuerte, e brommer a keda benta riba acera y motociclista riba caminda. Su pia tabata mustra habri banda di enkel cu weso ta sali. Un zapato di e motociclista a keda benta dilanti e Yaris.
Dos ambulance a presenta y cu urgencia a sali cu e motociclista Chuple pa Hospital. Mester opera e victima mesora pa e fractura di pia. Cuerpo Tecnico a ser avisa y a presenta pa capta algun imagen si ta necesario. E casa di e chauffeur deteni a presenta. Polis a splike unda e mester bay pa topa e casa. Takelwagen a hala ambos vehiculo for di caminda.