Diaranzon atardi laat a sosode un accidente entre dos auto y un motociclista riba Harley Davidson. E motociclista tabata bayendo direccion pabou riba LG Smith Blvd y yegando riba e T Weg di Adriaan Lacle Blvd, un Kia Sportage color shinishi a sali subi LG Smith Blvd.
E motociclista a purba desvia pa e auto Kia pero segun testigo e Kia tambe a hala poco na man drechi. E motociclista a chip e spiel di e auto Kia y a perde control. El a cay y e brommer a sigui bay dal den un SUV cu tabata bin di direccion contrario. E brommer a causa basta daño na e auto. E motociclista si no a dal den e auto pero e caida a causa sla na curpa. A raspa e curpa y haya corta tambe na pia.
E dama den e Kia a bay na WTS y eynan a haya yudanza di poco ijs cual el a hiba pa e motociclista su pia. Polis di trafico a atende cu e accidente. Dos otro unidad a sera e caminda pa desvia trafico. Dos auto mester a wordo kita cu takelwagen. Rapid Responder di Ambulance a yega prome y despues paramediconan di ambulance. Nan a yuda e victima y bay cune hospital pa tratamento.
