Dialuna den oranan di marduga polis a tuma nota den Caya G.F. “Betico” Croes di un scooter sospechoso den e area. Mesora a dun’e señal pa para pero pa motibonan desconoci e motociclista no a haci esaki y a primi trot pa huy.
Mesora e patruya a bay su tras y a dun’e ordo pa para pero e no a haci caso. Polis a start un persecucion cu a pasa den Dakota,Tarabana subi proyecto E.J. “Watty” Vos direccion noord. Na e rotonde di ex-Codemsa e scooter a subi e avenida nobo cu ta cera.
Yegando e “Semi-Rotonde” di Seroe Patrishi e motociclista a dal riba e acera cu consecuencia serio pa su salud, caminda el a ricibi golpi fuerte na su cara. Eynan mes polis a detene y a pidi un ambulance pa e motociclista.
Na yegada ambulance a atende y transporte cu escolta di polis pa hospital.
Segun por a compronde, su situacion ta hopi critico y mester mande cu urgencia Colombia. El a haya basta sla na cabes