Awe tardi pa 1:45pm polis a confisca un scooter cu tabata core den forma iresponsabel na altura di Pos Chikito. Ora polis a dun’e señal pa para, pa malo el a aumenta velocidad y a purba huy. A start un persecucion y na altura di Mangel Halto el a dal den un baranca y a sigui na pia, lagando e vehiculo benta atras. Polis a sali su tras na pia y a gar’e eybanda mes.
Ora a controla a scooter, a resulta cu e no tin su documentonan na ordo, pues nada di number ni seguro y pio ta gekeur. Pa colmo, e motociclista tin apenas 15 aña di edad, pues no tin rijbewijs tampoco.
Polis a detene e hoben y a hiba e scooter ward’i polis pa mas investigacion. Tanten cu no a pone tur papel na ordo, lo no por busk’e tampoco.
