Despues di e accidente horibel na Savaneta, Polis a bay na e cas di e victima na Brazil pa informa famia di loke cu a caba di pasa.
Ta trata aki di Dennis Vakkers cu tabata riba su brommer Triumph. Un accidente cruel cu a laga e victima sin parti di su curpa. Testigonan ta bisa cu nan a mira con auto a pasa riba victima. Kico a pasa exactamente no ta conoci. Solamente ta menciona den comentarionan cu a mira e brommer sin luz.
Polis ta investigando mientras a bay avisa e famia di e noticia tristo cu nan ser keri a fayece den un accidente di trafico. E brommer ta registra na un adres na Brazil. Eynan Altocomisario a bay cu un patruya di polis pa avisa e famia.
Tabata momentonan dificil pa e famia ora e mal noticia a yega na nan cas. For di pafo tabata scucha e gritonan y yoramento di un famia cu a perde nan ser keri den un forma repentino. E victima di trafico Dennis Leonel C. Vakkers (56 aña) ta traha na Horacio Oduber Hospital. Paz na su restonan y cu su alma descansa. Condolencia na e famia.
