Un motociclista coriendo iresponsabel riba caya a dal diabierna anochi alrededor di 11:00pm den dos auto dilanti Royal Plaza Mall y a resulta herida. Testigonan a conta cu ta un grupo di motociclista nan tabata haciendo wega cu e brommernan.
Ora Polis a yega por a constata cu e herido a bandona e sitio caba, cu ayudo di su amigonan. Polis a bay Hospital pa mira si e por a yega, pasibra segun testigonan, e victima lo a haya sla na pia y cachete. Polis di trafico a acumula tur informacion na e sitio.
Un colega di prensa na e sitio a logra saca potret prome cu amigonan a lanta e brommer y bay cune hunto cu e motociclista herida.
