Diamars anochi alrededor di 10:15 pm a sosode un accidente na altura di Hyatt Regency riba e strip di ‘high rise’ hotel. Aki ta caminda cu un motociclista riba un quadracer alcansa un peaton. Ta un rato prome cu polis a mira nan den e area di Palm Beach ta core iresponsabel, no a dura mucho cu despues un di nan a accidenta.
Nan tabata un grupo di hoben ta core hunto, pero ora e accidente a pasa; un so a keda na sitio. Ora polis a yega na sitio, a constata cu e motociclista ta bou influencia, pa cual a detene mesora y transport’e pa warda di polis.
E turista a resulta herida pa cual ambulance a transport’e pa hospital p’e ricibi atencion medico avansa. No ta prome biaha cu ta sosode accidente n’e sitio ey, esta dilanti Hyatt. Falt’i iluminacion por a hunga un rol tambe den e accidente aki.
