Motiva, eligi preliminiarmente pa opera Refineria na Corsou

190

E compania Motiva Enterprises, cu sede na Houston, a wordo eligi preliminarmente pa e gobierno di Corsou, pa opera refineria Isla, di 335 mil bari di petroleo pa dia (bpd), como reemlaso di e compania estatal, Petroleos de Venezuela (PDVSA), medionan local a informa diasabra.

Na comienso di e aña aki, Corsou a cuminsa cu un proceso di bidding pa busca un operador di e refineria, cu ta inactivo desde Mei, ora cu un disputa legal entre PDVSA y ConocoPhillips a obliga su ceramento.

E contract di PDVSA pa opera e instalacion, cu ta crucial pa su operacionnan di almacenamento, refinacion y suministro, lo vence na final di 2019, pero Gobierno di Corsou ta buscando un compania dispuesto pa oper’e a largo plazo y probablemente caba cu e plazo di huur di PDVSA otro aña.

Motiva a wordo eligi pa Corsou for di un lista di companianan interesa den un lucha pa dirigi e refineria desde 2020 of posiblemente prome, si yega na un acuerdo entre e partidonan, segun Antilliaans Dagblad.

E empresa ta un sucursal Mericano di e giggante energetico Saudi Aramco y un cumprado habitual di crudo Venezolano.

Refineria di Korsou a confirma diasabra cu a eligi un compania, pero a agrega cu no lo revela e nomber di e operador nobo te ora cu firma un acuerdo final.

Motiva no a responde di inmediato na un solicitud di comentario.

Ta spera cu por firma un Memorandum of Understanding entre e operador eligi y gobierno medio Januari, gerente di e instalacion, Marcelino de Lannoy a bisa Reuters.

De Lannoy, kende ta reemplasa temporalmente e director general di Isla, Roderick van Kwartel, mey mey di acusacionnan di corupcion relaciona cu e proceso pa eligi un operador, tambe a bisa cu PDVSA a acorda coopera den cualkier transicion.

Mientras tanto, ta spera cu Curacao Refinery Utilities (CUR), e compania cu ta suministra awa y coriente na e instalacion, reanuda e suministro e luna aki pa prepara e refineria pa su reinicio.

Na principio di e aña aki, Motiva a bisa cu e ta considerando un expansion di su refineria na Port Arthur, Texas. Pero na Juni, e plan aki a wordo descarta, pa cual, segun fuentenan, ta preocupacionnan pa concentra demasiado produccion na un luga propenso na horcan.

En cambio, Motiva ta “analisando activamente un serie di oportunidad y ubicacion” pa aumenta su capacidad di refinacion na Merca, te na 1.5 miyon di bari pa dia, un vocero di Motiva a bisa.

PDVSA no a duna comentario riba e tema.

Kendenan ta Motiva

Motiva Enterprises, LLC, ta un empresa afilia di Saudi Refining Inc. y tin su sede na Houston Texas, Merca, cu ingresonan di 24 mil miyon di dollar durante aña fiscal 2004. Anteriormente e tabata un empresa conhunto di 50/50 entre Shell Oil Company y Saudi Refining Inc.