Dialuna mainta pa mas o menos 11:00 a dirigi polis pa Tanki Leendert. Un persona a dal un cacho riba caya y mat’e. Esaki a pone cu doño di e cacho a rabia y a dal e persona. Polis a yega na e sitio y a papia cu e victima, kende a splica kico tur a pasa. Polis a dirigi nan mes na un otro adres y pa papia cu e otro persona, kende tambe a duna su version di loke a pasa y despues a termina na detencion di un persona.
E cacho tabata riba caya y accidentalmente e chauffeur a pasa riba e cacho. E doño di cacho a bay na e auto y habri e porta, unda cu el a agredi e chauffeur femenino. Mirando con e ser masculino a agredi e chauffeur, a bay mes ora na detene e doño di cacho cu no tabatin un banchi mientras cu e casa di e homber tabata yora pa perdida di nan cacho.
E señora a keda di bay entrega keho na recherche contra e homber cu a agredi’e. Polis a hiba e homber pa warda di recherche pendiente pa mas investigacion. E chauffeur femenino cu tabata victima di agresion a bay Eerste Hulp pa ricibi asistencia medico. Cu e rapport medico e lo a keda di bay entrega su denuncia contra di su agresor.
