Poco-poco pero sigur e “fever” y locura di Superbowl ta cuminsa aki na Aruba. E curasonnan ta cuminsa bati un tiki mas lihe; e expectativanan ta halto mientras cu e entusiasmo ta sigui crece.
Na Aruba tin diferente localidad pa mira loke na ta yama “Game of Games”, pero tin un luga cu ta sobresali: MooMba Beach, e cas aki na Aruba pa Superbowl. Cu un stadion riba beach, pantayanan gigante tur rond y prijsnan special pa cuminda y bebida, e mas di 500 espectadornan na MooMba por ta sigur di lo disfruta e di 54 edicion di e evento extraordinario aki ora cu San Francisco 49ers y Kansas City Chiefs bataya pa e gloria eterno den Hard Rock Stadium na Miami Gardens, Florida.
Na MooMba e huespednan por scoge entre haci reservacion pa e mesanan VIP cu servicio personal di un waiter of sinta den e stadion riba beach, dia 2 di februari. Cuminsando pa 6.30 di atardi e luga lo cuminsa yena; den e restaurant lo tin pantayanan grandi, y e huespednan por cena trankil den MooMba mientras ta sigui e accionnan. E pre-entertainment lo cuminsa pa 5’or di atardi cu DJ Bradley Fonseca y MC David Cousins.
Haci bo reservacionnan na MooMba mas lihe posibel (586-5365). E espacionan lo caba lihe ya cu tanto local como bishitantenan ta consciente cu mira e Superbowl na MooMba lo ta un experiencia inolvidabel.
