Ciro Abath a restaura e monumento Dama di Husticia bek den su forma original, di cual ta reemplasa e bendahe di glas daña door di vandalismo. A entama un caminda pa asina haya tur departamento pa por a ehecuta e obra aki.
E daño haci riba e monumento ta cu a kibra e bendahe di glas cu un baksteen. Dado momento cu esaki ta kibra awa ta bay aden y ta daña tur coneccion di luz di led cu mester drecha nan.
Tambe a afecta e balansa y a kibr’e. A drech’e y lo pone bek, pa asina tur cos ta cla. Pa por a traha riba e bendahe, esaki a tuma mas tempo.E monumento di Dama di Husticia ta di corte, pero bou ospicio di Monumentenzorg. Pa por a dreha e bendahe, esaki tin un costo di mas o menos 8 mil florin.
Unico proof di vandalismo cu a haci riba dje ta traha riba un sistema cu por reemplasa esaki si tin fayo atrobe. Ciro Abath ta un escultor y a dur’e 1 aña pa por a trah’e. El a traha mas obra y e posibilidad t’ey ainda pa traha mas. El a traha e escultura di Plasa Padu y Aruba Bank. Hunto cu un colega di dje a traha riba e bendaha di glas, unda cu el a traha un molde uzando silicone. A uza e unico bendaha cu ta pas ainda pa por a traha e molde y por multiplica esaki. E lo bay ta mas eficiente, el a bisa.
