Actualmente Monumentenbureau ta efectuando un estudio riba e dibuhonan riba nos casnan floria of tambe jama casnan decora. Den temponan atras e dibuhonan a wordo poni dor di e metsla cu e.o malchinan di metal. E estudio cu ta haciendo awo ta wordo prepara dor di un stagiaire, sra. Romy van Voren bow guia di director di Monumentenbureau, sra. Ing. Yvonne Webb Kock. Sra Romy van Voren ta haciendo su estudio di masters den materia di “Cultuurgeschiedenis van moderne Europa”.
Monumentenbureau tin varios nomber di e metslanan di antaño, pero pa nos no lubida ningun, nos ta puntra cooperacion di nos comunidad pa juda nos cu tur e nombernan. Monumentenbureau ta buskando tur e nombernan di e metslanan, mayoría q.e.p.d., cu a traha decorando nos casnan floria. Dus e persona mester a realisa e cas den pasado den e periodo prome cu 1950.
E rapport di estudio ta wordo realisa dor cu Monumentenbureau dor di bisita e cas y por medio di varios entrervista. Monumentenbureau ta gradici un y tur cu ta contribui na e proyecto aki. Ora e rapport ta cla esaki lo wordo ofreci na nos Minister encarga cu monumento. Monumentenbureau lo usa e rapport pa compila charlanan cu e dep[artamento di Gobierno lo ofrece na tur skol.
Pa comparti boso informacion pa e proyecto aki por haci esaki na Monumentenbureau na telefon 5835938 y puntra pa Romy van Voren of Romulo Croes. Alaves por reaciona riba e articulo dunando informacion di nos metslanan riba nos facebookpage:
