Monseñor Luis Secco ta na Aruba pa un encuentro grandi cu directivanan di scolnan catolico. No solamente ta participando e directiva di Aruba, pero tambe esnan cu Corsou, Sint Maarten y islanan BES. Redaccion di 24ora.com tabatin un combersacion cu Monseñor Secco durante cual el a expresa e importancia di tipo di encuentronan asina pero tambe e importancia pa sigui traha pa mantene e fe catolico bibo.

Monseñor Secco a splica cu e tipo di reunionnan aki ta importante pa desaroyo di Plan Pastoral di Diosesis di Willemstad, unda cu un bes pa aña ta reuni cu esnan responsabel pa e diferente trabounan pastoral y social. Educacion di hobennan ta un trabou importante den cual religiosonan catolico ta envolvi pa hopi tempo. Tanto Frater of como Soeurnan a hunga un rol importante den educacion na Aruba siglo pasa y aunke awendia nan no ta asina visibel mas, e herencia cu nan a laga atras ta sigui bibo. P’esey Obispado ta reuni por lo menos un biaha pa aña cu e fundacionnan di scolnan catolico .

Monseñor Secco: No laga e muchanan perde y aleha di Dios

Monseñor Secco: No laga e muchanan perde y aleha di Dioshttps://24ora.tv/2WWxRgv

Posted by 24ora on Saturday, November 9, 2019

Ausencia den servicio religioso

Ultimo añanan por mira con e atendencia na servicionan religioso na misanan catolico ta bahando. E cantidad di fielnan cu ta practica nan fe ta birando menos. “Esaki ta otro reto cu mester atende cun’e urgentemente,” Monseñor a comenta. Semper ta papia di union entre famia, scol y e parokia. Semper tabata asina cu un famia cu kier pa e muchanan ricibi un di e sacramentonan, ta acudi na su parokia. E ta manera un ciclo, y via di scol ta yuda promove esaki. Sinembargo awendia ta mira un dificultad di continuidad pa persevera den e formacion. Asina por ehempel ta constata cu hopi mayor ainda ta batisa nan yiunan pero e cantidad di muchanan cu ta confirma, den luna di november, a bin ta bahando. Sinembargo despues e famia, e muchanan mes no ta haya animo pa sigui. P’esey ta den continuo combersacion cu catechistanan pa mira con por yuda e muchanan sigui, pa e famia haya mas animo, haci e encuentronan mas agradabel pa e hendenan yega misa. E mester ta un misa cu ta agradabel tanto pa e muchanan como e adultonan. E canticanan, nan ta bisa, no ta agradabel pa e muchanan canta. Pero Obispado ta haya cu na cas mayornan tin e tarea pa cuminsa duna e muchanan e guia y mustra nan cu kere den Dios ta algo grandi. E parti religioso mester bira algo mas agradabel pa sigui.

Religioso

Otro desafio grandi, y kisas door di e crisis cu famianan no ta grandi mas, ta cu no ta hayando hobennan interesa pa bira religioso. Pero e ta bini tambe door cu hobennan ta pensa e aspecto religioso no ta algo escencial den bida; nan ta bira materialista, individualista. E bida di un pastoor no ta facil. Apesar di esey tin grupo nobo tur aña di hobennan cu kier bira religioso. Numa e no ta asina abundante manera antes.

Mensahe

Su ultimo mensahe ta cu hubentud ta cuminsa duna fruto awo, y no warda ora cu bo ta adulto pa sinti cu Hesus y Dios ta stimabo. Na famia, no laga e mucha y hobennan perde y aleha di Iglesia di Catolico y perde e balor y tesoro cu nan a ricibi. Mester alimente cu oracion. E ta pidi pa mantene e tradicion di bay misa tur diadomingo.

Comments

comments