Monica Pimentel e unico atleta Olimpico di Impact Taekwondo no a para keto durante e pandemia. Den e dianan aki Monica Pimentel ta train na Linear Park, Hooiberg y na Washington hunto cu su grupo di muchanan cu a sigui train. Na Linear Park den aire liber por mira otro deportistanan cu tambe ta probecha di train pafo.
Monica Pimentel tin un grupo di mucha di entre 8 pa 12 aña cu ta train na scol basico Washington ariba tur Diamars y Diahuebs for di 5’or pa 6’or y mey di atardi.
Stuart Smith a trece su yiu Stuart Smith Jr. pa cuminsa cana den su stapnan. Stuart Smith ta hopi contento pa mira su yiu sigui cu su stapnan cu ta pone corda dia cu el a cuminsa na aña 1994 na e mesun edad di su yiu. Stuart Smith Jr. a gusta masha hopi y a comenta cu e kier logra mas medaya cu su tata. Stuart Smith no por a keda sin duna un man pa mustra cu na un edad avansa ainda e por move.
Monica Pimentel ta contento cu masha hopi mayor a confia nan yiunan cu ne y a mira un gana grandi den e atletanan. Monica Pimentel ta mira un crecemento den e atletanan Kianna Krosendijk, Ingomar Jacobs, Deevah Loefstop, Ayleen van Geene y Alisha van Geene.
Monica Pimentel ta preparando pa aña 2021. Pa mas informacion semper por subi nos Facebook Impact Taekwondo.
