Awe Mainta a tuma luga un ceremonia special na Cas Ceremonial, den cual Gobernador di Aruba, drs. Alfonso Boekhoudt, a entrega un “Gouverneursmunt” na cada un di e cinco landadonan, esta Davy Bisslik , Gwendolin Kock, Stephan Thijsen, Romar Arendsz y Deaxo Croes.
Dia 11 di november ultimo, e 5 landadonan aki a landa dor di Paraguana, na costa di Venezuela pa Aruba.
E hazaña, cu a haya e nomber di “Crossing for Hope”, tabata pa recauda fondo pa Koningin Wilhelmina Kankerfonds. A logra recauda mas o menos 100 mil florin.
Pa por mustra nan e aprecio pa nan prestacion fantastico, Gobernador a dicidi di otorga tur un moneda conmemorativo. Ta entrega e moneda special aki como reconocimento na esunnan cu haci un prestacion special y excepcional.
