Molester di brommer na koyari

Diasabra anochi, pa mas of menos 7’or y 10, varios patruya di Noord ta bay den e bario di Koyari, caminda cu bisiñanan ta hayando molester di draaimento di brommer, formando asina peliger den trafico. Una bes eynan, polis ta bay na cas di un conocido di polis, caminda cu nan a topa cu varios hoben sinta.

Tambe polis a topa cu algun brommer na e adres aki. Polis a duna tur un scual, debi cu nan por ocasiona un accidente, e ora nan kier lamenta. Polis a baha cu man duro riba nan y a avisa nan cu si nan mester bin un biaha mas pa e mesun asunto aki, nan lo bay cu tur brommer for di e adres menciona.