Awa a causa molester di awa den Schotlandstraat. Na cas Schotlandstraat 15 awa a cay asina fuerte cu el a cuminsa subi y bay den pos. Esaki a pone cu di biaha e habitante a pidi asistencia di Brandweer.
E tera ta completamente satura cu a causa un molester den e area. Esaki ta un situacion cu ta pasando rond Aruba na e momentonan aki. E habitante a expresa cu si awa sigui yobe, nan lo tin problema. E bomberonan a yega na e sitio y di biaha cuminsa mira con nan por brinda asistencia na e famia.