DVG su Mobile Team a cuminsa duna charla informativo den sector hotelero pa empleadonan cu ainda falta pa vacuna of cu tin algun duda. Durante dos dia trahadonan di Hilton Aruba Caribbean Hotel a haya informacion di Mobile Team di DVG. E empleadonan tabata tin e oportunidad di haci pregunta riba tur nan dudanan y tambe por a registra pa vacuna.
Dr. Wilmer Salazar a duna prome un charla cortico di e situacion mundial y local di e pandemia y alabes a duna informacion detaya di e vacuna cu Aruba ta brinda; esta di Pfizer/BioNtech. Despues di e charla, empleadonan por a haci preguntanan mas personal tambe na Dr. Salazar. E trahadonan a keda sumamente contento y esunnan cu a tuma nan decision pa vacuna por a registra di biaha cerca representante di DVG presente. Hotel y Companianan cu ta interesa pa e charla informativo aki di DVG su Mobile Team por tuma contacto na e-mail [email protected].
Lo asisti nan pa planea nan evento segun nan situacion y orario adecuado pa e trahadonan.
