Miss Universe Aruba Danna Garcia, kende ta representando nos isla den e certamen di Miss Universo na Atlanta (Georgia) a percura pa un declaracion controversial.
Den un video cu a circula riba rednan social por a scucha Garcia bisa “mi ta 100% Colombiana). E hecho cu e ta representa Aruba, a causa hopi critica riba e isla. Diferente articulo a menciona cu tin dos mucha muhe Colombiano participando den Miss Universo.
Danna Garcia a nace na Colombia y su mayornan tambe ta Colombiano, pero e tin dobel nacionalidad. E declaracion inicial cu a ricibi hopi critica a pone cu Garcia a subi un video riba red social bisando cu e ta stima Aruba y cu e isla ta den su curason. Den e mesun video aki e ta disculpa su mes cu e pueblo. “Aruba a dunami asina hopi oportunidad cu mi no sa comn pa gradicie.
Mi kier a pidi boso despensa pasobra mi a splica mi mes malo e momento ey. E cultura Arubano ta den mi y Aruba ta consisti di mas cu 92 nacionalidad. Esaki nos no por lubida.” Eleccion ta tuma luga diadomingo, 8 di december.