Miro Dabian a fayece despues di lucha largo cu salud

3320

Awe a drenta e noticia cu e ciudadano bon conoci Miro Dabian a fayece despues di un lucha largo cu su salud. Miro Dabian tabata conoci den mundo di politico como un gran amigo di fayecido lider Betico Croes, un consehero importante pa e partido geel na momento di trahamento di lista politico. Den añanan 80 e tabata Director di Cas di Aruba na Hulanda.

Despues cu el a bolbe Aruba el a ocupa su mes pa hopi aña cu e compania di seguro Boogaard, na unda e tabata director. Miro ta omo di e personahe conoci den mundo di cultura Stanley Dabian. Na su famia y amistadnan ta bay palabra di condolencia y hopi forsa den e momentonan dificil aki.