Na warda di Shaba tabata tin trabounan andando cu spuitmento contra Corona Virus. E Polisnan a sali pa asina e spuitmento por a tuma lugar. Manera ta conoci den e casonan di Corona Virus Positivo, ta menciona localidadnan cu ta cay bou di seguridad di Polisnan di e distrito di Noord.
Sea Strand Politie y tambe e Polisnan di Warda di Shaba ta esnan cu ta atende e asistencianan. Awor cu a drenta e informacion di DVG encuanto nightclubnan den e distrito di Noord, a pone cu mester a desinfecta e warda. Polisnan a haci diferente detencion di hendenan cu entre otro tabata den e nightclub of negoshinan cu DVG ta menciona.
E hendenan deteni a wordo treci warda di Shaba y tin cu a keda cera en warda di Shaba. No necesariamente tin Polisnan cu a test Positivo. Solamente a traha den forma preventivo y pesey mes a actua mesora pa desinfecta e warda. Pesey e Polisnan a keda pafo pa esaki por sosode. Preveni ta miho cu lamenta. Polisnan ta un frontliner den situacionnan asina. Danki Dios ta ainda no a tende di hendenan cu a keda infecta.
