Diabierna mainta, Prome Minister mr. Evelyn Wever-Croes tabata e “Keynote Speaker” na e Conferencia pa hende muhe “Women in Leadership – Getting it Done”. E Premier a elabora riba e rol di hende muhe den politica y con innovacion den nos tempo ta influencia e trabou como politico.
Prome Minister a encurasha tur presente pa busca e balans cu miho ta funciona pa cada ken y sigui haci e cosnan maraviyoso cu hende muhe por haci pa Aruba.
E evento di “Women in Leadership” a conta cu un sala yena di hende muhenan cu na final a sali inspira y cu hopi gana pa por haci un diferencia den comunidad. E evento anual tur biaha ta crece mas, denostrando asina e interes grandi bibando bou di nos hende muhenan, pero sin lubida hende homber, cu tambe a haci acto di presencia awe durante e evento bon organisa.
E conferencia dedica na nos hende muhenan e aña aki atrobe a conta cu sosten y sponsorship di Caribbean Mercantile Bank. Den e evento y despues via radio tambe a “engage” tur e hende muhenan via red social, uzando hashtag special.
