Ministerio Publico di Aruba ta anuncia cu tur tratamento di caso den Corte di Prome Instancia di Aruba ta cancela.
Tabata trata di verkeerszitting (trafico), caso pro forma despues di merdia como tambe e casonan di e sospechosonan cu ta spera na caso den libertad (vrije voeters).
Tur esunnan cu mester a presenta den Corte awe lo haya un yamada (oproeping) nobo cu nan fecha nobo unabes tur e situacion di mal tempo ta tras di lomba.
Pa loke ta tratamento di e casonan penal pa diahuebs, esakinan tambe ta cancela, te cu proximo aviso.
Asina cu henter e situacion aki ta tras di lomba, Ministerio Publico lo avisa un fecha nobo pa tratamento di e casonan aki.
Mas despues den un cominicado di prensa Ministerio Publico a menciona cu relaciona cu e molester cu ta spera relaciona cu e mal tempo Bonnie, OM lo ta cera desde awe 29 juni 2022 pa 12’or di merdia te cu diabierna prome di juli 2022. Riba dialuna 4 di juli 2022 OM ta spera di ta up and running. Tur afspraak relaciona cu e carta di buena conducta (VOG) a wordo posponi pa diamars 5 di juli Personanan cu tabatin un afspraak pa busca nan vog, por bin diamars riba e mes orario.
