Minister Xiomara Ruiz-Maduro ta categorisa un bruhamento di informacion pa locual ta trata e crisisheffing den e caso aki exoneracionnan cu un tempo tabata tin di locual ta e cobransa di BBO, y awor aki, cu e cambionan cu a bin den crisisheffing, e exoneracionnan aki no ta existi mas.
E mandatario, durante un rueda di prensa, a splica cu no ta un transaction tax a keda introduci na pais Aruba.
Kico esaki kiermen
No ta pa cada transaccion financiero cu haci na un instituto financiero esey ta nifica cu bo tin cu paga belasting riba dje. E por a mira a publica un informacion caminda cu ta tendencioso cu ta manda bisa cu ta haci como si fuera riba cada transaccion cu haci na e pais aki, na un instituto financiero, bo tin cu bay paga 6% riba dje. Esey no ta berdad, e mandatario a splica. E ta lamenta profundamente cu na e pais aki, caminda cu bo tin cu pasa un crisisheffing, pa motibo ta cu tin cosnan cu no ta corecto na e pais aki, den e sentido, tin cu saca placa pa paga pa proyectonan PPP.
E mandatario a splica u pa e motibo aki, nos tin crisisheffing. No mester lubida, cu tin un plan pa atende cu e crisis social. Esey ta e cosnan di cual e pais aki mester genera fondo.
Mas cu claro, ta pidi pueblo na momento di e introduccion. Ta berdad cu BBO ta hisa, y tambe a bin cu B-AVP. Pero esaki ta encera tambe cu den e ley mes, manera cu e ta existi, tabata tin exoneracionnan, caminda cu por wak pa loke ta e banconan, pa largo tempo nan no mester a paga locual ta e servicio cu nan ta ofrece, e entrada cu nan ta genera riba esaki. E omzet. Nan no ta paga BBO riba esaki. Cu esaki e mandatario kier a bisa y pa pone simpel, ora cu yega banco ta haci un transaccion. E tin gastonan cu bo ta paga pa esey. E gastonan aki ta entrada pa e banco. E banco ta forma su omzet. E ley di BBO, Belasting op Bedrijfs Omzetten, ta pa cobra riba e omzet. E no ta pa cobra riba e transaccion cu un hende ta bin pa haci eynan. Pesey e mandatario ta haya hopi tendencioso, cu awe un representante di ABA ta bin dilanti y e ora ey ta purba di trec’e den e contexto manera cu ta pa cada transaccion tin cu bay of tin cu pensa si nan tin cu bay cobra pa cada transaccion.
E minister ta lamenta pasobra e ta scucha den e entrevista, caminda cu ta indica cu ta awo nan ta bay sinta den seno di ABA, siendo cu e consehero di e minister tabata tin contacto cu ABA, kendenan a bisa pa e minister sali splica esaki, prome cu ABA bin duna su parti dilanti. Pesey e minister ta haya hopi jammer cu e noticia aki ta wordo treci, sin a wordo papia cu ABA, 2. Sacand’e for di su contexto tambe, creando asina aki un agitacion den pueblo, pasobra ta bin e ora un parti caminda cu no tin un claridad riba kico si y kico no.
Gobierno no ta core pa su respondabilidad y ta atende cu esnan cu ta pensa cu libertad di prensa, ta libertinahe. Minister a trece esaki dilanti pasobra e ta mira cu esey ta loke ta wordo haci na Aruba. Den e caso aki atrobe un biaha mas, pueblo di Aruba ta haya caminda cu tin miembronan di prensa kier hunga wega. Pesey e mandatario ta bisa “Let the games begin” pero cu un informacion corecto.
